Новости / Общество

Вялікдзень — дзень новага стварэння. Пасхальнае віншаванне арцыбіскупа Станеўскага

17.04.2022, 12:05  / remove_red_eye 113   / chat_bubble0

17 красавіка, ва ўрачыстасць Змёртвыхпаўстання Пана, Мітрапаліт Мінска-Магілёўскі арцыбіскуп Юзаф Станеўскі кіруе велікодныя віншаванні вернікам.

Вялікдзень — дзень новага стварэння. Пасхальнае віншаванне арцыбіскупа Станеўскага

Мітрапаліт Мінска-Магілёўскі арцыбіскуп Юзаф Станеўскі. Фотаздымак: Catholic.by

Хрыстус уваскрос! Сапраўды ўваскрос! Аллелюя!

Дарагія браты і сёстры!

Вялікдзень — гэта дзень новага стварэння. Езус уваскрос і адчыніў браму новага жыцця: жыцця, дзе няма ні смерці, ані віруснай хваробы.

Дзякуючы змёртвыхпаўстанню Езуса перад чалавекам адчынілася новая перспектыва, чалавек стаў «большым», бо чалавеку заззяла новае сонца і паказалася новая зямля.

Мае дарагія! Пасля «начы Аліўнага саду», «цемры шостай гадзіны канання Езуса», пасля таго, «як задрыжэла зямля і заплакала неба чалавечай душы», — «сталася святло, Езус уваскрос» (пар. Мц 28, 6). Жыццё перамагло смерць. Любоў — магутнейшая за нянавісць. Праўда — магутнейшая за хлусню. Праз сваё змёртвыхпаўстанне Езус нанава стварае свет, якому ахвяруе свой супакой (пар. Лк 24, 36).

Сёння, асабліва сёння, Езус пытаецца ў кожнага з нас: «Чаму разгубіліся, і чаму сумненні ўзніклі ў вашых сэрцах?» І адначасова заклікае нас, як тады Тамаша: «Дай сюды палец твой і паглядзі на рукі Мае; дай руку тваю і ўкладзі ў бок Мой; і не будзь няверуючым, але веруючым!» (пар. Ян 20, 27), і табе заззяе новы дзень.

Дарагія браты і сёстры! Следам за святым Янам Паўлам II заклікаю вас: Адчыніце дзверы Уваскросламу Хрысту, адчыніце дзверы вашых сэрцаў, бацькоўскіх дамоў і людзей, якія чакаюць вашай дапамогі.

Няхай святло ўваскрасення асветліць «нашую малую радзіму», няхай настане «новы дзень ад Бога» ўсім людзям добрай волі.

Жадаю вам благаслаўлення ад Уваскрослага Хрыста, здароўя, шчасця і дабрабыту, а таксама мірнага неба.

Са святам вас, любыя браты і сёстры!

Хрыстус уваскрос — сапраўды ўваскрос! Аллелюя!

Catholic.by

Если статья не открывается, включите, пожалуйста, VPN. Присоединяйтесь к нам в Viber Instagram,  ВКонтакте  или Telegram, подписывайтесь на нас в Яндекс.Дзен, чтобы быть в курсе важнейших событий дня или обсудить тему, которая вас взволновала.

Комментарии

Правила комментирования

Подписаться
Уведомление о
0 Комментарий
Ответы по тексту
Посмотреть все комментарии