Новости / Экономика

Крыніцы: заходнія банкі закрылі рахункі ў валюце Беларусбанка, Белаграпрамбанка і Белінвестбанка. Гэта катастрофа?

13.09.2021, 13:51  / remove_red_eye 1531   / chat_bubble0

Як стала вядома «Нашай Ніве», на мінулым тыдні асноўны банк-карэспандэнт беларускіх дзяржаўных банкаў, «ДойчэБанк», закрыў карэспандэнцкія рахункі ў еўра. Паводле паведамленняў крыніц, аналагічным чынам павялі сябе іншыя замежныя банкі. Раней Белінвестбанк, Беларусбанк і Белаграпрамбанк трапілі пад еўрапейскія санкцыі.

Крыніцы: заходнія банкі закрылі рахункі ў валюце Беларусбанка, Белаграпрамбанка і Белінвестбанка. Гэта катастрофа?

Фото: Алексей ТОМАШЕВСКИЙ

У адкрытых крыніцах можна ўбачыць сітуацыю, напрыклад, у Белаграпрамбанку, пiша Наша Нiва.

Выглядае яна бязрадасна: магчымасць валютных транзакцый застаецца толькі праз дробныя беларускія банкі, а таксама расійскі ТКБ Банк, які, паводле мясцовага «Форбс», займае 87 месца ў рэйтынгу надзейнасці расійскіх банкаў.

Фота: Наша Нiва

А вось, напрыклад, як сітуацыя выглядала пару гадоў таму, паводле кэшу той жа вэб-старонкі.

Фота: Наша Нiва

Валютныя аперацыі можна было рабіць праз цэлы шэраг еўрапейскіх карэспандэнтаў, ад італьянскіх і польскіх да амерыканскіх.

З расійскіх партнёраў у спісе былі буйныя «Сбер», «Россельгасбанк», ВТБ і «Росбанк». Цяпер у спісе карэспандэнтаў іх таксама няма.

Па нашай інфармацыі, аналагічная сітуацыя склалася ў Беларусбанку і Белінвестбанку. У Беларусбанку пераводы ў еўра яшчэ магчымыя праз еўрапейскую дочку ВТБ Банка.

Эканаміст: наступствы — страта даходаў

Што гэта азначае? Як тлумачыць «Нашай Ніве» эканаміст Дзмітрый Крук, у сучасным свеце банк без карэспандэнцкіх рахункаў у далярах і еўра ў любым з банкаў ЗША і Еўразоны лічыцца непаўнавартасным, і гэта цягне наступствы.

«Праз карэспандэнцкія рахункі банка ідзе рух сродкаў кліентаў: плацяжы юрасобаў па экспартна-імпартных і фінансавых кантрактах, а таксама шматлікія плацяжы фізасобаў (але гэта не тычыцца адразу ж рознічных плацяжоў праз картачныя сістэмы).

Банк, які не ў стане задаволіць гэтыя, амаль штодзённыя, патрэбы кліентаў, аўтаматычна страчвае адпаведныя камісійныя даходы ад арганізацыі міжнародных разлікаў.

У пераважнай большасці выпадкаў адпаведныя камісійныя даходы складаюць не вельмі значную частку ад агульных даходаў банка. Але калі нават іх доля складае да 5% ад агульных, гэта ўсё роўна адчувальна.

Такія даходы «лёгкія», бо банкі ў такіх выпадках амаль не бяруць на сябе рызыку (параўнайце з даходамі ад дэпазітаў). Гэта аўтаматычнае і відавочнае наступства, але далёка не самае важнае.

Ад такіх банкаў-«імпатэнтаў» кліенты, па логіцы, павінны сыходзіць да канкурэнтаў (калі свабодныя ў выбары, дзяржаўныя арганізацыі, напрыклад, не могуць), бо разлікі праз такія банкі стануць даражэйшымі і больш маруднымі, з дадатковымі рызыкамі.

Нарэшце, сёння многія прызнаюць, што сфера плацяжоў стала стратэгічнай для развіцця банкаўскага бізнэсу.

Праз яе збіраецца big data (велізарны аб’ём разнастайных звестак. — заўв. «Нашай Нівы»), ён дазваляе ствараць новыя прадуктовыя лінейкі. У гэтым сэнсе актыўны ўдзел у разліках — важны падмурак фінансавых інавацый. Банк, які не можа іх праводзіць, будзе жыць ва ўчарашнім дні, думаць не аб развіцці, а аб выжыванні», — кажа Крук.

Бізнэсмен: прадпрымальнікі будуць уцякаць з гэтых банкаў

Адзін з апытаных намі бізнэсменаў сказаў, што тэхнічна рух валюты магчымы праз «маленькія аэрадромы» ў выглядзе дробных беларускіх і маргінальных расійскіх банкаў, але гэта ўсё вельмі абцяжарвае выкананне існых кантрактаў і ставіць пад пагрозу новыя: маўляў, прадпрымальнікі з гэтых банкаў будуць уцякаць.

«Раней прамаруджванне плацяжу на тры дні лічылася скандалам, цяпер ужо два тыдні — гэта як бы норма, бо грошы абыходзяць палову свету, каб дайсці куды трэба.

Еўрапейскія партнёры вельмі часта не адгружаюць тавар, пакуль не ўбачаць грошы, у выніку ты губляеш кантракты ці моцна выбіваешся з дамоўленасцяў.

Думаю, прыватны сектар, калі цалкам зразумее, што гэта не часовая праблема, будзе пераходзіць у іншыя банкі або шукаць магчымасці весці разлікі праз банкі ў суседніх краінах», — сказаў наш суразмоўца.

Читайте также: Бюджет белорусской семьи: на вредные привычки больше, чем на общепит

Сколько вакантных мест есть в Барановичах для одного безработного?

 За 20 лет после президентских выборов-2001 в Беларуси доллар вырос в 17 раз

Всех впускать, никого не выпускать? Почему наземные границы Беларуси остаются закрытыми

Присоединяйтесь к нам в Viber или Telegram, чтобы быть в курсе важнейших событий дня или иметь возможность обсудить тему, которая вас взволновала.

 

Комментарии

Правила комментирования

Подписаться
Уведомление о
0 Комментарий
Ответы по тексту
Посмотреть все комментарии