Новости / Экономика

Нацбанк залічыў у рэзервы мільярд ад МВФ. Ці гэта рэальныя грошы?

8.09.2021, 8:27  / remove_red_eye 119   / chat_bubble1

Рэгулятар сёння адчытаўся аб павелічэнні золатавалютных рэзерваў на суму, большую за мільярд даляраў. Такім чынам, ЗВР ужо перавышаюць $8 мільярдаў. Ці магчыма выкарыстаць гэтыя грошы проста цяпер? Разбіраемся папросту.

Нацбанк залічыў у рэзервы мільярд ад МВФ. Ці гэта рэальныя грошы?

Фото: Intex-press

Нагадаем, спецыяльныя правы запазычання (Special Drawing Rights ці SDR) — гэта не рэальныя грошы, не даляры, не еўра, не рублі, не юані. Гэта своеасаблівы аналаг, прыдуманы МВФ. Сёлета МВФ выпусціў рэкордную колькасць SDR — на $650 мільярдаў, пiша Наша ніва.

Гэтыя грошы атрымалі амаль усе краіны-ўдзельніцы МВФ (за выключэннем Афганістана, М’янмы і Венесуэлы) прапарцыянальна сваім эканомікам.

Беларусі дасталося 0,923 мільярда SDR, або крыху больш за мільярд долараў па апошнім курсе.

Чаму гэтыя грошы ад МВФ залічылі ў ЗВР і ці значыць гэта, што Беларусь атрымала рэальны мільярд долараў?

«Што можна, а што нельга дадаваць у ЗВР, якраз вырашае МВФ. Не кожная краіна, а менавіта МВФ. І ён вызначыў, што гэтыя SDR уключаюцца ў золатавалютныя рэзервы», — расказвае старшы аналітык «Альпары Еўразія» Вадзім Іосуб.

Што тычыцца жывых грошай, то аналітык тлумачыць: усё не так адназначна. Беларусь не можа проста ўзяць і аплаціць SDR што-небудзь.

«Усе мы інтуітыўна разумеем, што такое грошы. Калі ў дзяржавы ёсць грошы, яна можа выдаткаваць іх на заробкі, пакупку імпарту ці на нейкія пазыкі, — кажа ён. — Як і мы можам схадзіць у краму і набыць хлеб ці малако. У SDR досыць мала грашовых уласцівасцяў.

Відавочна, іх можна ўзяць і залічыць у золатавалютныя рэзервы і ўсім паказваць, што яны выраслі.

Таксама з дапамогай SDR можна сплаціць пазыкі перад МВФ. На гэтым магчымасці такіх «грошай» заканчваюцца.

Сплачваць імі пазыкі перад іншымі крэдыторамі немагчыма: іх трэба ўзяць і памяняць на грошы. Тут адразу пачынаюцца праблемы, бо папросту няма рынка абмену, як з золатам, якое можна памяняць на тыя ж даляры.

Так, тэарэтычна такая магчымасць ёсць. На практыцы — гэта максімальна складана: трэба дамовіцца з Цэнтрабанкам якой-небудзь краіны, каб там прынялі SDR і аддалі нармальнай валютай. Ніхто гэта не абавязаны рабіць. Дамовімся мы ці не дамовімся, незразумела. З кім дамаўляцца — таксама незразумела.

Калі дамаўляцца, то па якім курсе? Бо ў SDR ёсць свой курс, які разлічвае МВФ. Ёсць курс да даляру, еўра і іншых сусветных валют.

Але ні ў МВФ, ні ў цэнтрабанкаў няма абавязацельстваў абменьваць па гэтым курсе SDR. Няма ўвогуле абавязацельстваў абменьваць хоць па якім курсе.

Таму так, залічылі і сказалі, што ЗВР выраслі. Наколькі гэта дапаможа эканоміцы, жыць далей і расплачвацца з пазыкамі, тут пытанне адкрытае».

Читайте также: Помощь МВФ: тратить можно не на все, а банковские санкции не мешают ее получить

Что за помощь от МВФ на $900 миллионов получили власти Беларуси?

«Феноменальный результат». Экономист рассказал, почему белорусская экономика растет и когда наступит «очень тяжелая ломка»

Снимают деньги со счетов. Нацбанк — о поведении вкладчиков, которые «угрожают» финансовой стабильности

Присоединяйтесь к нам в ViberInstagramВКонтакте или Telegram, чтобы быть в курсе важнейших событий дня или иметь возможность обсудить тему, которая вас взволновала.

Комментарии

Правила комментирования

Подписаться
Уведомление о
1 Комментарий
большинство голосов
новее старее
Ответы по тексту
Посмотреть все комментарии
Су-30

КанешЬне гэта проста фантыки….. Трэба згушчаць усё, так?…