Новости / Происшествия

«Перавялі ў камеру да педафіла». Адвакатка Пятрухіна расказала пра ход справы і пра яго стан здароўя пасля таго, як парэзаў вены

12.03.2021, 10:39  / remove_red_eye 629   / chat_bubble1

11 сакавіка стала вядома, што палітвязень Сяргей Пятрухін ускрываў вены падчас свайго знаходжання ў магілёўскім СІЗА. «Наша Ніва» распытала адвакатку Ірыну Точкар пра гэты выпадак.

«Перавялі ў камеру да педафіла». Адвакатка Пятрухіна расказала пра ход справы і пра яго стан здароўя пасля таго, як парэзаў вены

Фота svaboda.org

Нагадаем, што брэсцкіх блогераў Сяргея Пятрухіна і Аляксандра Кабанава судзяць у Магілёве. Ім пагражае да трох гадоў калоніі. Вінавацяць блогераў у арганізацыі і падрыхтоўцы дзеянняў, якія груба парушаюць грамадскі парадак. Таксама абодвух вінавацяць у абразе прадстаўніка ўлады, а Сяргея Пятрухіна яшчэ і ў абразе суддзі, пiша «Наша Нiва».

11 лютага пачаўся суд. Але і Пятрухіна, і Кабанава выдалілі з пасяджэння — яны самі настойвалі на гэтым у знак пратэсту, бо суддзя адхіліла ўсе іх хадайніцтвы. У выніку блогераў выдалілі за парушэнні парадку на пасяджэнні.

Цяпер працэс працягваецца, але вырак блогеры чакаюць у магілёўскай турме. Пятрухін, па словах яго адвакаткі Ірыны Точкар, праблем з сукамернікамі не меў, не парушаў рэжым, выконваў усе патрабаванні адміністрацыі. Але 25 лютага Сяргея нечакана перавялі ў іншую камеру.

«Я бачыла Сяргея сёння, 11 сакавіка. З яго слоў, 25 лютага яго перавялі ў камеру, дзе быў асацыяльны кантынгент. Сяргей кажа, адзін сукамернік нібыта не зусім псіхічна здаровы, а іншы сядзеў за палавое злачынства ў дачыненні да малалетніх. Па яго словах, Пятрухін папрасіў, каб яго перавялі зноў, але яму адмовілі, — расказвае адвакатка. — У дачыненні да Сяргея гвалту не было, але ён баіцца правакацый. Як ён выразіўся, «былі прэцэдэнты з іншымі зняволенымі на гэтай глебе». Такіх правакацый Сяргей хацеў пазбегнуць.

І ён ускрыў вены ў знак пратэсту ў той жа дзень — 25 лютага. Зрабіў гэта лязом з брытвы, яму наклалі швы.

Цяпер усё паціху зажывае. Але Сяргей знаходзіцца ў карцары. Канкрэтна за што ён там, я не ведаю. Як сам Сяргей разумее — за парушэнне парадку, меркавана, якраз за ўскрыццё вен. Прабудзе там, кажа, да 17 сакавіка.

У карцары яму лепш, чым у той камеры, але гэта ж не санаторый. Умовы карцара не дазваляюць адправіць лісты, перадачы туды не даюць».

фота: nn.by

Цяжка ўявіць, што Пятрухін, які нават на судзе жартаваў і адпускаў іранічныя каментары, даведзены да таго, каб рэзаць вены. Але Ірына Точкар кажа, што настрой у блогера па-ранейшаму баявы.

«Ён і цяпер бадзёры, вельмі бадзёры. Сёння мы з ім хадайніцтвы пісалі — Пятрухін жа не даваў паказанні падчас следства, казаў, што гатовы будзе выказацца на судзе. Але яго ж выдалілі з пасяджэння — аж да канца працэсу.

Таму цяпер Пятрухін хадайнічае, каб яго выклікалі для дачы паказанняў. Але ж суддзя сёння паведаміла: Пятрухін выдалены да канца працэсу за парушэнні, таму няма падстаў для яго дастаўлення ў суд і ўдзелу ў судовым працэсе», — кажа адвакатка.

На судзе скончылі агалошванне пісьмовых матэрыялаў справы, далей чакаюцца судовыя спрэчкі і ў хуткім часе — вырак. Пасяджэнне па справе працягнецца 18 сакавіка.

«Пятрухін па ранейшаму не прызнае віну, ён прытрымліваецца пазіцыі, што нічога не здзяйсняў крымінальнага, — кажа Ірына Точкар. — Якім будзе вырак — хто яго ведае? Сяргей кажа так: спадзяюся на лепшае».

nn.by

Комментарии

Правила комментирования

Подписаться
Уведомление о
1 Комментарий
большинство голосов
новее старее
Ответы по тексту
Посмотреть все комментарии
ДедСаша

Бедный Сережа — злые дядьки не дают выбирать соседей по камере…

Scroll Up