Новости / Протесты

Па БТ паказалі 20-хвілінны фільм пра «банду Аўтуховіча». Пяць назіранняў

9.02.2021, 11:26  / remove_red_eye 641   / chat_bubble0

Фільм «Тратыл пратэсту» быў паказаны 8 лютага на тэлеканале АНТ. У ім распавядаецца, як аператыўнікі КДБ знайшлі ў Беларусі чатыры тайніка са зброяй і выбухоўкай, прывезеных з тэрыторыі Украіны.

Па БТ паказалі 20-хвілінны фільм пра «банду Аўтуховіча». Пяць назіранняў

Кадр из видео

Наша Нiва пiша, што з праграмы на АНТ можна даведацца новага? Што гучыць пераканаўча, а што не падмацавана нічым?

1. У фільме не паказваюць ніводзін допыт Аўтуховіча, толькі кавалак старога відэа, дзе ён размаўляе з кімьсці, седзячы са звязанымі рукамі.

«Мірныя пратэсты нічога не вырашаюць», — казаў ён тады. Выказвалася здагадка, што гэта дыялог з адвакатам. Такая размова абараняецца заканадаўствам, яна павінна быць канфідэнцыйнай.

Разам з тым у эфіры гучаць аўдыяпаведамленні, якія, як сцвярджаецца, Аўтуховіч дасылаў жыхару Лельчыцкага раёна Віктару Снегару. Той дапамагаў яму пераходзіць беларуска-ўкраінскую мяжу, а цяпер дае паказанні. Голас Аўтуховіча на запісах выглядае рэальным, але нічога «тэрарыстычнага» ў яго фразах няма.

2. У кадры пастаянна паказваецца нібыта перапіска Аўтуховіча з рознымі абанентамі (найхутчэй, у тэлеграме). Але ніякіх доказаў таго, што цытаты ўзятыя з тэлефона Аўтуховіча, няма.

3. Пра якіх людзей ідзе гаворка ў праграме?

Дзмітрый Палойка — беларус у складзе «Данбаса», ён нібыта быў сувязным.

Сямён Сяменчанка — камандзір добраахвотнага батальёна «Данбас», нібыта абяцаў Аўтуховічу арганізаваць пераход мяжы.

Павел Сава — удзельнік падпалу аўто і дома ў Ваўкавыску, дае паказанні.

Галіна Дзербыш — нібыта дапамагала Аўтуховічу ў Гродне.

Артур Папок — нібыта дапамагаў узрываць машыну ў Гродне, нібыта пераходзіў мяжу разам з Аўтуховічам. Злавіць яго не ўдалося, знаходзіцца ў бягах.

4. Гаворыцца, што Аўтуховіч нібыта напісаў украінскаму спецслужбісту: «На чарзе начальнік Ваўкавыскага РАУС». Доказаў няма. Але нават калі ўявіць, што такое паведамленне існавала, што яно значыць? Гаворка ідзе пра магчымы напад на міліцыянера ці чарговы падпал аўто?

5. Стваральнікі фільма абяцаюць расказаць у другой частцы, якую зброю Аўтуховіч нібыта прывёз у Беларусь і дзе яе хаваў. Намякаюць, што меркавалася ўзарваць пасажырскі аўтобус. Доказаў пакуль ніякіх.

Комментарии

Правила комментирования

Подписаться
Уведомление о
0 Комментарий
Ответы по тексту
Посмотреть все комментарии