Новости / Общество

Звольнілі Сяргея Клімава, знакамітага дырэктара Нясвіжскага замка, які зрабіў з яго цукерачку

9.12.2020, 17:56  / remove_red_eye 1012   / chat_bubble1

У аднабаковым парадку быў звольнены дырэктар Нясвіжскага замка-музея.

Звольнілі Сяргея Клімава, знакамітага дырэктара Нясвіжскага замка, які зрабіў з яго цукерачку

Фота: NNNN

Сяргей Клімаў — выбітная фігура ў сферы. Ён пачаў кіраваць замкам дзесяць год таму, калі той быў у заняпадзе і не лічыўся абавязковай да наведвання турыстычнай каштоўнасцю, пiша «Наша Нiва».

Клімаў дамовіўся з нашчадкамі Радзівілаў аб вяртанні пэўных экспанатаў у Беларусь, за кароткі час зрабіў вялізную работу па напаўненні калекцыі замка.

За гэта ў 2016-м Нясвіж адзначылі прэстыжнай культурнай прэміяй «Еўропа Ностра». «Супрацоўнікі музея выйшлі далёка за межы сваіх абавязкаў і могуць быць прыведзены як узор усім астатнім работнікам дадзенай сферы ў Еўропе», — казалася ў рашэнні журы.

Сёння, амаль праз дзесяць год ад пачатку работы, яго цішком звольнілі. Як гэта было, Клімаў расказаў «Нашай Ніве».

«Па-сабачы, цішком мяне звальнялі, нібыта нешта скраўшы, абы б ніхто не даведаўся, — кажа Клімаў. — Пазваніў шараговы супрацоўнік Міністэрства культуры і сказаў, што міністр прапанаваў мне напісаць заяву на звальненне. Але я адмовіўся.

Праз пару гадзін мне паступіў званок пра тое, што я звольнены, заўтра магу прыбыць у міністэрства і азнаёміцца з паперай.

Але ніякіх прычын ніхто не тлумачыць, адныя нейкія намёкі: «Ну вы ж разумееце…». Не, я не разумею! Нават ва ўмовах пандэміі сёлета музей зарабіў 800 тысяч даляраў, прыняў 170 тысяч наведнікаў. Але той, хто аддаваў загад на звальненне, канечне ж, пра гэта ўсё ведаць не можа».

Клімаў кажа, што не прападзе, але не думае, што ў будучыні будзе мець справы з Міністэрствам культуры. Кажа, што яму ўвесь час паступалі прапановы з замежжа, цяпер ён гатовы будзе іх разгледзець.

«Не тое, каб гэта для мяне нечакана. Я ўсё ж разумею логіку працэсаў, якія адбываюцца. Усё заканамерна, але ненадоўга. Мяне хіба што здзівіла, што не знайшлося мужнасці сустрэцца і пагаварыць», — рэзюмуе ён.

Фота: nn.by

Фота: nn.by

Поделиться:
Комментарии

Правила комментирования

Подписаться
Уведомление о
1 Комментарий
большинство голосов
новее старее
Ответы по тексту
Посмотреть все комментарии
злой кот

Сокращение штата?……………..