Новости / Общество

У Маладзечне выхавацелька закрыла 3-гадовае дзіця ў прыбіральні, бо яно крычала «Лукашэнку ў аўтазак»

27.08.2020, 16:15  / remove_red_eye 5671   / chat_bubble8

Інцыдэнт адбыўся 25 жніўня ў дзіцячым садку №27 у Маладзечне. Пра гэта расказала Рада Рогава, маці маленькага Лёшы.

У Маладзечне выхавацелька закрыла 3-гадовае дзіця ў прыбіральні, бо яно крычала «Лукашэнку ў аўтазак»

Фота: nn.by

Лёша — самае малодшае дзіця ў вялікай сям’і Рогавых. Рада выхавала пяцярых сваіх дзяцей і дваіх прыёмных, мае ордэн Маці. Але яна і ўявіць сабе не магла, што давядзецца адстойваць сваё дзіця перад выхавацелькамі садка — тыя закрылі яго ў прыбіральні. Аб гэтым паведаміла «Наша Ніва» .

«25 жніўня муж забіраў Лёшу з садка, патэлефанаваў мне і сказаў, што здарылася надзвычайная сітуацыя. Сын у слязах распавёў пра тое, што ў групе крычаў «Лукашэнку ў аўтазак». За гэта выхавацелька раззлавалася і закрыла яго ў прыбіральні. Лёша кажа, што праседзеў там амаль увесь сон», — расказвае Рада Рогава.

Жанчына паведамляе, што сын мог пачуць гэты выраз і па тэлевізары, і на плошчы ў Маладзечне 9 жніўня.

«Мы гулялі з дзецьмі ўвечары на плошчы, і я — шчыра вам прызнаюся — падумала, што здымаюць фільм. Пасярод плошчы стаялі людзі на каленях перад АМАПам. Я не адразу зразумела, што гэта можа адбывацца насамрэч. Магчыма, тады сын падхапіў гэты выраз», — тлумачыць жанчына.

Рада расказвае, што наўмысна не забараняла дзіцяці гэта вымаўляць, бо баялася, што сын будзе прамаўляць словы спецыяльна, калі на гэтым акцэнтаваць увагу.

«Лёшу толькі ў лістападзе споўніцца чатыры годзікі. Як можа дзіця зразумець, за што яго пакаралі? Цяпер дзіця плача, адмаўляецца ісці ў садок, баіцца, што зноў зачыняць у прыбіральні», — расказвае маці.

Пасля таго, што здарылася, Рада звярнулася да загадчыцы садка Алены Драгун.

«Ведаеце, што яна мне сказала? Давайце правядзём вочную стаўку вашага сына і выхавацелькі. Загадчыца стала казаць пра тое, што Лёша ў мяне фантазёр, што такога не было і што ў прыбіральні яго ніхто не зачыняў. Маўляў, ён сам застаўся там, а выхавальніца проста прычыніла дзверы на хвіліну, — кажа Рада. — Але яны не ўлічылі, што перад тым, як запрасіць мяне ў кабінет, гучна раіліся паміж сабой аб тым, што ўсё будуць адмаўляць».

27 жніўня Алена Драгун сабрала бацькоўскі сход па просьбе бацькоў, абураных такімі паводзінамі педагогаў. У групе, куды ходзіць сын Рады, працуюць тры выхавальніцы. Хто з іх зачыніў сына ў прыбіральні, Рада дакладна не ведае, але спадзяецца, што сама выхавальніца патлумачыць свае паводзіны перад бацькамі.

Загадчыца садка каментаваць сітуацыю адмовілася.

«Мне трэба час разабрацца. Званіце не раней за панядзелак», — сказала Алена Драгун.

Читать также
Комментарии

Правила комментирования

Подписаться
Уведомление о
8 Комментарий
большинство голосов
новее старее
Ответы по тексту
Посмотреть все комментарии
777

Какая мерзость! Чему могут научить такие воспитатели???

Scroll Up