Новости / Общество

«У нас у Свіры столькі пнеўманій». Памёр 53-гадовы бізнэсмен

11.05.2020, 14:11  / remove_red_eye 1671   / chat_bubble1

«Пачыналася ўсё з тэмпературы. Выклікалі хуткую, яны ўкалолі «трайчатку» і з’ехалі, — расказала «Нашай Ніве» Эдыта, дачка бізнэсмена Аляксандра Ляховіча. — Тады бацька з мамай самі паехалі ў Мядзел на рэнтген. Першы раз усё было нармальна. Праз тыдзень паехалі зноў: і ў мамы дыягнаставалі бранхіт, а ў бацькі — пнеўманію».

«У нас у Свіры столькі пнеўманій». Памёр 53-гадовы бізнэсмен

Фото: pixabay.com

Праз некалькі дзён пасля шпіталізацыі Ляховіча перавялі «на кісларод», яшчэ праз пару дзён паклалі ў рэанімацыю. Там увялі ў стан штучнай комы і падключылі да апарата вентыляцыі лёгкіх. Пад ім ён праляжаў 13 дзён, паведамляе «Наша Нiва».

Сваякі кінулі заклік па медыя і сацсетках: шукалі донараў плазмы, якія ўжо перахварэлі «каронай». На той момант мужчына ўжо ляжаў на штучнай вентыляцыі лёгкіх.

Але выратаваць Ляховіча не ўдалося. 10 мая ён памёр у мядзельскай бальніцы.

Аляксандр жыў у мястэчку Свір, што стаіць над аднайменным возерам. Займаўся бізнэсам, меў у Свіры сетку крамаў, якая гандлявала хатнімі таварамі. Яму было 53 гады.

«У рэанімацыі бацьку зрабілі тэст на каранавірус, ён быў адмоўны. Але ведаю, што прыязджалі прафесары з Мінска, казалі, што ў сімптомы «кароны», і лячылі яго таксама як ад «кароны», — кажа дачка. — Але ў бацькі пачалі адказваць ныркі, а пасля не вытрывала сэрца. Ён памёр 10 мая».

Пасля цела адвезлі ў Бараўляны, там будуць ускрываць і тады скажуць дакладна, ці быў каранавірус.

Дачка Аляксандра кажа, што ў яе ці яе мамы ніхто аналіз на каранавірус не браў.

«У нас у Свіры цяжкая сітуацыя ўвогуле. Тут столькі пнеўманій, а ў нас нават рэнтгена няма. Людзі ездзяць у Мядзел, там ім робяць здымак, ставяць пнеўманію і адпраўляюць лячыцца дадому. Тэстаў на каранавірус ніякіх не робяць», — кажа Эдыта.

Читайте также: Плюс четыре смерти. Минздрав Беларуси опубликовал данные по COVID-19 на 11 мая

«Она сгорела за четыре дня». 38-летняя женщина скончалась в Ляховичском районе

Хроника коронавируса за 10 мая: число заболевших коронавирусом в мире превысило четыре миллиона человек

Первая больница в Беларуси начала делать платный экспресс-тест на антитела к коронавирусу. Но цена высокая

Читать также
Комментарии

Правила комментирования

Подписаться
Уведомление о
1 Комментарий
большинство голосов
новее старее
Ответы по тексту
Посмотреть все комментарии

ЯК можна лячыць пнеўманiю ДОМА?……. 😕

Scroll Up