Новости / Происшествия

У кватэры ў Мінску знайшлі муміфікаваны труп жанчыны. Суседзі: «На яе кухні 2 гады гарэў газ»

21.02.2020, 14:05 / remove_red_eye 3754 / chat_bubble3

У мінскай кватэры знайшлі труп жанчыны, які праляжаў некалькі гадоў. Увесь гэты час у кватэры гарэў газ і цякла вада.

У кватэры ў Мінску знайшлі муміфікаваны труп жанчыны. Суседзі: «На яе кухні 2 гады гарэў газ»

Фото: Milosz1, flickr.com/ Фото: Milosz1, flickr.com

Вельмі дзіўная гісторыя адбылася ў доме №125 на вуліцы Пляханава ў Мінску. У адной з кватэр знайшлі цела жанчыны. Труп праляжаў больш за два гады. Увесь гэты час, сцвярджаюць жыхары дома, у кватэры нябожчыцы гарэла газавая канфорка і цякла вада з крана, паведамляе «Наша Нiва».

Сваю суседку Таццяну Яўменчык жыхары дома перасталі заўважаць яшчэ ў 2017 годзе. Але не надта здзівіліся: жанчына, кажуць, і так была не надта камунікабельная.

«У той кватэры жыла жанчына з дарослымі дачкамі. Малодшая дачка — якраз тая Таццяна.

Маці памерла, затым у 2015 годзе памерла старэйшая сястра. Таццяна засталася адна. Яна не ўжывала спіртныя напоі, нідзе не працавала.

Вяла замкнёны лад жыцця, не размаўляла з суседзямі. Увогуле, і Таццяна, і яе сястра нібыта баяліся людзей, не размаўлялі з імі, амаль збягалі, калі сустракалі суседзяў, — расказвае суседка Таццяны. — Дзяцей не было ні ў Таццяны, ні ў яе сястры. Жылі зусім адны. Незразумела нават, ці камунікавалі сёстры паміж сабою. Калі ў 2015 памерла старэйшая сястра, Таццяна не адразу гэта заўважыла: яны жылі ў розных пакоях і ці то не размаўлялі адна з адной, ці былі пасварыліся? Карацей, пасля Таццяна знайшла сястру мёртвай і выклікала міліцыю.

Дакладна, канечне, нам нічога не вядома, але падобна было, што Таццяна мела нейкія псіхічныя праблемы. Яна ніколі нідзе не працавала. За што жыла, што ела — ніхто не ведае. Нярэдка бачылі, як яна лазіла па сметніцах».

Суседзі насцярожыліся пазней — калі пабачылі, што ў паштовай скрыні Таццяны копяцца жыроўкі.

«ЖЭС ніяк не рэагаваў, проста прыносілі новыя і новыя жыроўкі, пхалі туды. Мы не ведалі, што адбываецца. Кажуць, адна з суседак адчувала, што штосьці не так, і нават звярталася да ўчастковага, але той яе адшыў. Але ці праўда гэта, ці чуткі — я не ведаю», — кажа адна з жыхарак дома.

Лёс Таццяны Яўменчык стаў вядомы толькі ў сярэдзіне лютага. Пажылая жанчына, якая жыве ў кватэры знізу, заўважыла, што ў яе нешта капае са столі.

«Уначы пабегла вада. Я паднялася, ніхто не адкрыў. Пагаварыла з іншымі суседзямі, яны распавялі, што ў той кватэры даўно не відаць гаспадыні. Ну я і пазваніла рамонтнікам: кажу едзьце, рабіце штосьці, мая кватэра на вялікую суму застрахаваная! Яны прыехалі і ўскрылі кватэру. Міліцыя была, іншыя службы — агулам чалавек з 20», — кажа суседка.

Таццяну знайшлі мёртвай на кухні — яна ляжала на падлозе. Цела зусім высахла: у хаце было цёпла, форткі закрытыя. Але галоўнае, што ўвесь гэты час — год? два? тры? — на пліце гарэў газ, а з крана цякла вада, сцвярджаюць суседзі.

«Як мы не ўзарваліся, бог яго ведае. Але пасля адразу па пад’ездзе пабеглі газавікі, правяралі штосьці ва ўсіх кватэрах», — кажа суседка.

Ад чаго памерла Таццяна, суседзі не ведаюць.

«Можа, з голаду і памерла, у выніку. Каб мела зносіны з суседзямі, то яе пакармілі б, канечне. Але…

Але хадзілі чуткі, што Таццяна ці то ляжыць у Навінках на лячэнні, ці то ўступіла ў нейкую секту і там і знікла», — расказвае іншая суседка.

Галоўная прэтэнзія ў жыхароў дома да ЖЭСа. Чаму не звярталі ўвагі, што ніхто не аплачвае жыроўкі? Чаму не звярнулі ўвагу на тое, што святло ў хаце даўно адключылі за нясплату, а газам і вадой працягваюць карыстацца ўвесь гэты час?

Читать также
Комментарии

Правила комментирования

3
Оставить комментарий

Пожалуйста, авторизуйтесь чтобы добавить комментарий.
2 Цепочка комментария
1 Ответы по цепочке
0 Последователи
 
Популярнейший комментарий
Цепочка актуального комментария
2 Авторы комментариев
NicknameДедСаша Авторы недавних комментариев
  Подписаться  
новее старее большинство голосов
Уведомление о
ДедСаша
Участник
За просмотр контента
Комментатор
Первая сотня
За посещение сайта
Логин на сайт
Ударник

Вот и результат «отличной» работы всех служб… Счастье, что соседи не пошли следом из-за взрыва газа…

Nickname
Участник
Комментатор
Первая сотня
Загрузка аватара
За просмотр контента
За посещение сайта
Логин на сайт
Читатель-месяца
Ударник
Глаз как у орла
Герой

ЖЭС виноват, но и соседи тоже не сигнализировали…….

Nickname
Участник
Комментатор
Первая сотня
Загрузка аватара
За просмотр контента
За посещение сайта
Логин на сайт
Читатель-месяца
Ударник
Глаз как у орла
Герой

Галоўная прэтэнзія ў жыхароў дома да ЖЭСа. Чаму не звярталі ўвагі, што ніхто не аплачвае жыроўкі? Чаму не звярнулі ўвагу на тое, што святло ў хаце даўно адключылі за нясплату, а газам і вадой працягваюць карыстацца ўвесь гэты час?

ЖЭС чакаў званок з МНС, бо выбух бы меў страшэнную сілу…

Scroll Up