Новости / Люди

Баранавiцкаму праваабаронцу Сяргею Гоўшу споўнілася 70 год. Шчыра віншуем!

18.03.2019, 13:56  / remove_red_eye 384   / chat_bubble1

Праваабаронца з нашага горада 18 сакавіка адзначае юбілей.

Баранавiцкаму праваабаронцу Сяргею Гоўшу споўнілася 70 год. Шчыра віншуем!

Сяргей Гоўша. Фота: spring96.org

Больш за дваццаць год Сяргей Гоўша стаіць на варце абароны правоў чалавека ў сваім рэгіёне, пiша праваабарончы цэнтр «Вясна».

— Наша кампанія, чалавек 20–25, рэгулярна ездзіла ў Мінск на мітынгі падтрымліваць апазіцыю, – узгадвае сваё далучэнне да праваабарончага руху спадар Сяргей Гоўша. – І вось вясною 1997 года здарыўся наступны выпадак. Калі за некалькі гадзін да санкцыянаванай акцыі мы накіроўваліся ў Чырвоны касцёл паслухаць службу, трох нашых хлопцаў без ніякіх падстаў на нашых вачах затрымалі, пасадзілі ў машыну і павезлі ў пастарунак. Двух з іх на наступны дзень прысудзілі да штрафаў, а трэці вымушаны быў правесці тры дні за кратамі. Мы звярталіся са скаргамі ва ўсе інстанцыі, але нічога не дабіліся. І вырашылі, што створым сваё аддзяленне праваабарончае і будзем абараняць свае правы самі.

Увесь гэты доўгі час, не шкадуючы ані сваіх сілаў, ані вольнага часу, праваабаронца аказвае дапамогу землякам, абараняючы іх на судовых працэсах, дапамагаючы абскардзіць несправядлівыя рашэнні ў вышэйшых інстанцыях.

Ён і зараз звяртаецца да мясцовых і рэспубліканскіх уладаў з прапановамі і заявамі, якія датычацца розных актуальных пытанняў – свабоды мірных сходаў, свабоды слова. Ён няўрымсліва адстойвае права беларусаў на свободныя і празрыстыя выбары, шануе беларускую мову і непакоіцца за яе лёс.

Сяргей Гоўша неаднаразова звяртаўся з паведамленнямі ў Камітэт па правах чалавека ААН, дзе яго скаргі былі падтрыманы і разгледжаны.

За сваю праваабарончую дзейнасць спадар Гоўша пераследваўся ўладамі, некалькі разоў яго затрымлівала міліцыя, але і дагэтуль актывіст застаецца нязломным барацьбітом за агульначалавечыя каштоўнасці.

Рэдакцыя Intex-press віншуе юбіляра. Жадаем Сяргею Гоўшу моцнага здароўя, натхнення, дабрабыту, поспехаў і доўгіх гадоў жыцця!

Читать также
Комментарии

Правила комментирования

Подписаться
Уведомление о
1 Комментарий
старее
новее большинство голосов
Inline Feedbacks
Посмотреть все комментарии
777

Здоровья и долгих лет — как и любому другому человеку!

Scroll Up