Новости / Культура

На кнігу памерлага літаратара Яна Збажыны збіраюць грошы ў Баранавічах

1.02.2019, 11:37 / remove_red_eye 639 / chat_bubble3

Сёлета выбітнаму паэту споўнілася б 55 год.

На кнігу памерлага літаратара Яна Збажыны збіраюць грошы ў Баранавічах

Вокладка кнігі Яна Збажыны.

За сваё кароткае жыццё Ян Савіцкі (больш вядомы пад літаратурным псеўданімам Ян Збажына) друкаваўся ў шматлікіх літаратурных выданнях. Дапамагаў парадамі і рэдагаваннем маладым баранавіцкім літаратарам, выдаваў іх зборнікі. Аднак сам пры жыцці паспеў выдаць у 2004 годзе толькі адзіную сваю кнігу «Пыл саркафагаў». У 2011 годзе паэта не стала.

Па словах беларускага пісьменніка Алеся Аркуша, наш горад і краіна яшчэ не да канца зразумелі, каго страцілі:

– У вершах Збажыны ёсць такія дасягненні, якія сапраўды сталі набыткам беларускай паэзіі. Гэта яго эксперыменты з вершаванай формай. Бадай, цяжка якога-небудзь іншага беларускага паэта з яго пакалення паставіць з Янам поруч у гэтай справе – хіба што Юрася Пацюпу. Збажына пісаў і ўжо добра засвоеныя нашай паэзіяй санеты, трыялеты, танка, хоку, але і досыць экзатычныя візуальныя вершы – гэта калі вершаваныя радкі ўтвараюць нейкую графічную выяву або раўналежныя вершы – калі паэтычная думка раскладаецца на два вектары, з дапамогай розных ракурсаў і сэнсавых алюзій утвараючы своеасаблівы аб’ёмны паэтычны эфект.

РЕКЛАМА

Сябар Яна і таксама баранавіцкі паэт Алесь Бакач, разам з грамадскім актывістам Уладзем Гундарам падрыхтавалі да друку новы зборнік выбраных твораў Збажыны «Тым, хто хоча вечна жыць». Да кнігі плануецца дадаць DVD-дыск з відэазапісамі выступаў Яна.

Каб выдаць кнігу з дыскам накладам 100 асобнікаў, неабходна 500 рублёў. Выдаўцы зборніка звяртаюцца да ўсіх неабыякавых людзей, тых, хто ведаў Янку Збажыну і чытаў яго творы, дапамагчы фінансава, каб паспець надрукаваць яе да 31 сакавіка – дня нараджэння паэта.

Прозвішчы ўсіх, хто ахвяруе больш за 10 рублёў, будуць змешчаны ў зборніку. Ахвярадаўцы з гэтага спісу атрымаюць асобнік пасмяротнага зборніка Збажыны.

Кантакты для сувязі: +375 33-303-49-77 ці +375 44-564-25-83 Уладзь Гундар.

Ян Збажына

Жоўты трыпціх

І

РЕКЛАМА

Адчуванне смерці неабходна

тым, хто хоча вечна жыць, —

жаўцізною восені паходня

доўга будзе нам свяціць.

Адспяваюць птушкі напрадвесні

толькі раз на цэлы год,

асалодзяць нашых боляў песні,

згорклы ў сэрцы даўні мёд…

ІІ

На пытанні, што стаяць спрадвеку,

з цягам часу знойдзецца адказ.

Хваляванні сённяшняга веку

хваляваць не будуць заўтра нас.

Хай жа лёс хвілінай летуцення

нам запаліць жоўтыя агні!..

Тыя словы, рэчы, справы, цені,

з болем сэрца восеньскія дні.

РЕКЛАМА

ІІІ

Але ўсё на свеце з божай ласкі!

Восень сцеле жоўтым дываном,

І ўсе стомленыя твараў маскі

ціхім спачываюць сном…

СТАГОДДЗЕ

Айчына. Воля. Барацьба.
Пятля. Астрог і неба ў краты.
Жывога вечная сяўба
І пустазелле, бюракраты.

Гарластых цётак чарада.
Авоські. Клункі. Плёткі. Сваркі.
Штодзённасць…
Спрэчкі і нуда.
Нуда і спрэчкі…
Святы, чаркі.
Высакароднасць. Грамада.
Вячэра. Лаянка за скваркі.

Крыніца. Маці. Немаўля.
Забойцы. Здраднікі. Пачвары.
Пакутная ў слязах зямля
І лёсам гнаныя ахвяры.

У СКЛЕПЕ

Пыл не здзьмухвай. Прабач і пакінь.
                       Марыя Паўлікоўска-Яснажэўска

Вільготным пылам саркафагаў
ля эпітафій бачу час
і ў лаўрах марную развагу
выяваў — профіль і анфас.
Камень шыхтамі сваю вернасць
няхістка захаваў руцэ,
што й зараз мур так шчыльна тчэ.
Зайздрошчу тым, чый крок паверхня
няўладна больш адлюстраваць —
на павуцінне ўтаймаваць
павук паспеў іх след.
З начніцы
хімера невымоўнасць п’е…
Плыву ў суцэльнай таямніцы,
апошні сведка — сам сабе.

Читать также
Комментарии

Правила комментирования

3
Оставить комментарий

Пожалуйста, авторизуйтесь чтобы добавить комментарий.
3 Цепочка комментария
1 Ответы по цепочке
4 Последователи
 
Популярнейший комментарий
Цепочка актуального комментария
4 Авторы комментариев
Юрий К.777eni.Huwniarz Авторы недавних комментариев
  Подписаться  
новее старее большинство голосов
Уведомление о
Huwniarz
Участник
Комментатор
Первая сотня
Загрузка аватара
За просмотр контента
За посещение сайта

Эх, Янка, Янка… Разумная галава, не бярог ты сябе sad наш ты баранавіцкі Анатоль Сыс. sad

eni.
Участник
За просмотр контента
Комментатор
Первая сотня
Загрузка аватара
За посещение сайта
Логин на сайт

Помните реально больным детям.

Юрий К.
Участник
Загрузка аватара
За просмотр контента
Комментатор
Первая сотня
За посещение сайта

Почему бы Вам не сделать это самостоятельно? Объявите сбор средств, проведите какое-нибудь мероприятие с благотворительными целями… В общем, издатели книги наверняка будут очень благодарны Вам за совет, а то они всё мучились выбором: вроде, книгу достойного человека издать надо бы, а тут вон дети больные вокруг… Согласно Вашей логике, не до книг теперь, не до ремонта дорог, не говоря уж про всякие там концерты-выставки.

777
Участник
Загрузка аватара
Комментатор
Первая сотня
За просмотр контента
За посещение сайта
Доверие
Логин на сайт

Неужели у страны нет 5 копеек, чтобы выпустить книгу на роднай мове.
Стыдно!

Scroll Up