Новости / Культура

На выпускны «Мовы нанова» прыедзе музыка з гурта «Разбітае сэрца пацана». На наступны сезон шукаюць новых вядучых

19.12.2018, 16:01  / remove_red_eye 482   / chat_bubble7

Фінальная сустрэча адбудзецца 19 снежня, а 18-й гадзіне, у People bar на бульвары Штакерау, 2А.

На выпускны «Мовы нанова» прыедзе музыка з гурта «Разбітае сэрца пацана». На наступны сезон шукаюць новых вядучых

У сераду, 19 снежня, у наведвальнікаў бясплатных курсаў беларускай мовы «Мова нанова» адбудзецца выпускны. Арганізатары падвядуць вынікі года і самым актыўным выпускнікам уручаць памятныя падарункі. А таксама на мерапрыемства прыедзе музыка гурта «Разбітае сэрца пацана» Павел Гарадніцкі.

– У гэтым годзе ў нас на занятках выступала шмат цікавых людзей: рэжысёр тэатра Арцём Бодак, музыка Сяржук Доўгушаў, пісьменнік Васіль Дубешка, лідар гурта «Мутнаевока» Яўген Змушка і іншыя, – распавяла Intex-press Юля Траццяк. – Але, на жаль, людзей было не вельмі шмат – каля 18 чалавек, толькі моладзі не хапала.

Акрамя гэтага, Юля адзначыла, што для іх з Алесем Гізуном, які таксама з’яўляецца выкладчыкам, гэта апошні сезон моўных курсаў. Зараз яны шукаюць новых вядучых, якіх будуць рыхтаваць да наступнага сезона.

– Я адчуваю стомленасць, хочацца пабыць проста слухачом. Бачу, што людзі хочуць крэатыву, інтэрактыву, гульняў, а я ім гэтага даць не магу. Здаецца, я аддала «Мове» ўсё, што магла, – распавяла Юля. – Курсам патрэбна маладая кроў, каб прыходзілі такія ж і курсы жылі. Канешне, мы будзем дапамагаць новенькім і прысутнічаць на іх занятках.

Мерапрыемства адбудзецца 19 снежня, а 18.00, па адрасе: бульвар Штакерау, 2А.

Комментарии

Правила комментирования

Подписаться
Уведомление о
7 Комментарий
большинство голосов
новее старее
Ответы по тексту
Посмотреть все комментарии
777

А вось чаму мы у сваёй краiне не размауляем на роднай мове?