Новости Интекс-пресс / Образование

Ужо восем баранавіцкіх сямей хочуць аддаць дзяцей у беларускамоўны першы клас у гімназію. Але гэтага мала — шукаюць ахвотных

17.05.2018, 12:03 / remove_red_eye 471 / chat_bubble

Заявы на паступленне ў першы клас установы адукацыі пачнуць прымаць 12 чэрвеня.

Дабіцца адкрыцця беларускамоўнага класа спрабавалі бацькі пяці дзяцей. 16 мая ў гімназіі №4 адбыўся бацькоўскі сход, на якім выступіла ініцыятыўная группа. У выніку яшчэ тры сям’і вырашылі навучаць сваіх дзяцей па-беларуску. Але і гэтага мала.

– Дырэктар гімназіі №4 даў нам тыдзень, каб мы сабралі паўнавартасны клас, – распавяла Intexpress, Таццяна Малашчанка, маці адной з будучых першакласнікаў. – Мы спадзяемся, што ў нас атрымаецца адкрыць беларускамоўны клас у цэнтры горада.

Бацькі гатовы ісці на ўступкі: калі ў школе не будзе памяшкання, яны паспрабуюць знайсці месца ў дзіцячым садку.

РЕКЛАМА

Калі вы таксама жадаеце навучаць сваіх будучых першакласнікаў па-беларуску, звяртайцеся па тэлефоне +375 29 723-53-60 (Таццяна).


Читать также
Комментарии

Правила комментирования

comments powered by Disqus
Scroll Up