Новости / Общество

Арганізатары Дня Волі ў Баранавічах просяць дапамогі ў правядзенні свята

14.03.2018, 17:12  / remove_red_eye 1423   / chat_bubble0

25 сакавіка, у дзень 100-годдзя з дня абвяшчэння незалежнасці БНР, у нашым горадзе плануюцца мерапрыемствы, прысвечаныя гэтай даце. Арганізатары спадзяюцца зладзіць свята пры дапамозе неабыякавых людзей.

Арганізатары Дня Волі ў Баранавічах просяць дапамогі ў правядзенні свята

Некалькі дзён таму члены Баранавіцкай арганізацыі грамадскага аб’яднання «Таварыства беларускай мовы імя Ф. Скарыны» атрымалі згоду Баранавіцкага гарвыканкама на святкаванне 100-годдзя з дня абвяшчэння незалежнасці БНР. Мерапрыемства адбудзецца 25 сакавіка ў актавай зале Дзіцячай музычнай школы мастацтваў (вуліца Горкага, 20). Праграма свята яшчэ дапрацоўваецца, і яго арганізатары просяць усіх жадаючых падтрымаць іх ініцыятыву.

Дапамагчы можна рознымі спосабамі:

  • ахвяраваць грошы можна на рахунак BY06PJCB30155103441000000933 ў Прыорбанку;

  • распаўсюдзіць рэкламную і прома-прадукцыю;

  • праінфармаваць аб мерапрыемствы як мага больш людзей па сваіх каналах інфармацыі;

  • дапамагчы ў правядзенні мерапрыемства;

  • аказаць транспартныя паслугі;

  • дапамагчы надрукаваць паліграфічную прадукцыю (буклеты, афішы).

Кантакты для сувязі: (029) 318-84-39, (029) 338-03-10, (029) 726-52-35.

– Мы спадзяемся, што свята ў нашым горадзе пройдзе на высокім узроўні, не горш, чым у Брэсце, напраклад, – кажа Мікалай Падгайскі, старшыня Баранавіцкай гарадской арганізацыі ГА «Таварыства беларускай мовы імя Ф. Скарыны».

У Брэсце Дзень Волі-2018 пройдзе з размахам. Гарадскія ўлады дазволілі правесці мітынг, вулічны фестываль і канцэрт, прысвечаныя 100-годдзю з дня абвяшчэння незалежнасці БНР.

Заяўку на правядзенне святкавання Дня Волі ў Баранавічах падаў таксама Юрый Казакевіч, каардынатар руху «За Свабоду» па Брэсцкай вобласці, але адказу ад мясцовай улады ён пакуль не атрымаў.