Віктар Сырыца, якім мы яго запомнілі

10.11.2015, 16:11 / 315 / 0

Выбітны жыхар горада Баранавічы, вядомы выкладчык, грамадскі дзеяч, даследчык, гісторык нечакана адышоў ад нас 9 лістапада.

Мы шмат пісалі пра дзейнасць гэтага выбітнага чалавека, пра яго планы і памкненні. Віктар Антонавіч увесь час спяшаўся нешта добрае зрабіць для нашай краіны, пашырыць сярод нас веды пра гісторыю і культуру Беларусі, нашага горада. Яго хапала на мноства разнастайных мерапрыемстваў, віктарынаў, добраўпарадкаванне памятных месцаў і пошук новых фактаў нашай гісторыі.

Мы не заўжды паспявалі за ім. Цяпер нам усім яго будзе не хапаць.

20-годдзе Баранавіцкай філіі Таварыства беларускай мовы. Выступае гісторык Віктар Сырыца, 2009 год.

У Завоссі: пісьменнік Уладзімір Арлоў з гісторыкам Віктарам Сырыцам і журналістам Аляксеем Белым, 2009 год

На сустрэчы з літаратарам Анатолем Тарасам, 2009 год

Вечарына на 75-годдзе з дня народзінаў паэта Алеся Корнева, 2010 год

Мясцовы сход. Віктар Сырыца паказвае супрацоўніку міліцыі адказ, які атрымаў з урада, 2011 год.

Віктар Сырыца (злева) і Віктар Мязяк падчас судовага паседжання за арганізацыю Мясцовага сходу былі аштрафаваныя на 875 тысяч рублёў, 2011 год.

Віктар Сырыца віншуе першакласніц беларускамоўнага класа, 2011 год.

Віктар Сырыца падарыў пісьменніку Уладзіміру Арлову стралу, 2012. Фота: Алесь ГІЗУН

У в. Лясная на ўрачыстасцях да 130-годдзя Уладзіслава Галубка, 2012 год.

Віктар Сырыца выступае на 200-х угодках з дня нараджэння паэта Паўлюка Багрыма, 2012 год.

Старшыня Баранавіцкай Рады ТБМ Віктар Сырыца падарыў кнігі вучням беларускамоўнага класа

Імпрэза на 175-я ўгодкі Кастуся Каліноўскага, 2013 год.

2 чэрвеня 2013 года. Віктар Сырыца на Мілавідскім фэсце.

Віктар Сырыца трымае трэці адміністрацыйны пратакол, складзены на яго за арганізацыю Мілавідскага фэсту.

Віктар Сырыца пакідае залу судовых паседжанняў падчас суда за Мілавідскі фэст. Яго аштрафавалі на 2 млн рублёў. Фота: Канстанцін ЛІТВІН

На сустрэчы з Аляксандрам Мілінкевічам, 2013 год.

Віншаванне беларускамоўнага класа з Днём роднай мовы, 2013 год.

На дні народзінаў у бацькі Міколы Статкевіча, 2014 год.

Чытанні, прысвечаныя 100-м угодкам пачатку Першай сусветнай вайны. Кандыдат гістарычных навук Дзяніс Лісейчыкаў (злева) падарыў бібліятэцы ТБМ кнігу

Віктар Сырыца з пераможцамі віктарыны ТБМ да юбілею паэта Валянціна Таўлая, 2014 год.

Святкаванне ў гонар 160-годдзя Яна Развадоўскага, 2014 год.

Віктар Сырыца ўручыў Уладзіміру Арлову, аўтару “Імёнаў свабоды”, пано, вырабленае ў гонар 355-х угодкаў Палонкаўскай бітвы баранавіцкім мастаком Міколам Коласам, 2015 год.