Автор: Аляксей БЕЛЫ

17:15, 16 января 2015

Культура

remove_red_eye 119

У Баранавічах адкрылася выстава нашай зямлячкі Вольгі Вайцяхоўскай

Мастацкая выстава “Танец жыцця, танец фарбаў” адкрылася 16 студзеня ў чытальнай зале літаратуры па мастацтве Баранавіцкай цэнтральнай бібліятэкі імя В. Таўлая.

У 2008 годзе выставу Вольгі, на той час яшчэ жыхаркі Баранавіч, бачылі ў нашым горадзе. Праўда, тады гэта была выстава фатаграфій. Цяпер мастачка жыве ў Мінску, займаецца жывапісам, працуе ў змешанай тэхніцы, выкарыстоўваючы акрылавыя фарбы і аловак.

Работы Вольгі Вайцяхоўскай

Работы Вольгі Вайцяхоўскай

РЕКЛАМА

 

– Работы Вольгі Вайцяхоўскай вельмі яскравыя, падобныя на харэаграфічную пастаноўку. Гэта эксперымент і смелы мастацкі ход, – сказала ў сваім выступленні, адкрываючы выставу, загадчыца сектара чытальнай залы літаратуры па мастацтве Марына Сцяпура.

 

Вольга Вайцяхоўская з сынам

Вольга Вайцяхоўская з сынам

– Работы мае спантанныя, у іх ёсць патаемны змест. Напрыклад, матылькі – гэта сімвал трансфармацыі ад вусеня да крылатае прыгажосці. Мэта творчасці – паказаць, што чалавек павінен любіць сябе такім, які ён ёсць, – адзначыла Вольга Вайцяхоўская.

У адкрыцці выставы ўзялі ўдзел вучні СШ №7 і 12. Выстава працягнецца да сярэдзіны лютага.

Работы Вольгі Вайцяхоўскай

Работы Вольгі Вайцяхоўскай

Поделиться:
Читать также
Комментарии

Правила комментирования

comments powered by Disqus
Scroll Up