Новости / Общество

Памятныя манеты «Канстанцін Астрожскі» ў Баранавічах яшчэ не прадаюцца

17.12.2014, 15:05 / remove_red_eye 209 / chat_bubble0

Манета, якая выклікала ажыятаж у сталіцы, да нашага горада яшчэ не даехала.

Як расказалі ў Баранавіцкім аддзяленні Нацыянальнага банка, памятная манета «Канстанцін Астрожскі» яшчэ не паступіла ў продаж.

– Звычайна манеты завозяць спачатку ў Галоўнае ўпраўленне нацбанка па Брэсцкай вобласці, а пасля яны ўжо трапляюць да нас, – патлумачылі Intex-press у аддзеле касавых аперацый. – У Баранавічах новыя манеты, хутчэй за ўсё, з’явяцца ўжо пасля Новага года.

Не вядома і колькасць памятных манет, што патрапіць у продаж да нас, «але яны абавязкова будуць», – запэўнілі ў Нацыянальным банку.

РЕКЛАМА

Манеты з гетманам Беларусь выбіла на 500-я ўгодкі Аршанскай бітвы (8 верасня 1514 г.), калі войска ВКЛ пад загадам гетмана Астрожскага разбіла ўтрая большыя палкі маскоўскіх захопнікаў.

У першы дзень продажу манеты «Канстанцін Астрожскі», 16 снежня, каля касы Цэнтральнага апарата НБ РБ у Мінску паўстала чарга больш чым у 100 чалавек. Як адзначае «Наша Ніва», самі нумізматы шакаваныя колькасцю людзей, што прыйшлі купіць гэтую манету. Кажуць, ніколі такога не было. Аднаму чалавеку ў банку прадавалі толькі дзве манеты.

 

Аверс беларускай манеты Канстанцін Астрожскі

Аверс беларускай манеты Канстанцін Астрожскі

Даведка

РЕКЛАМА

Памятныя беларускія манеты «Канстанцін Астрожскі» былі выбіты на Казахстанскім манетным двары НБ РК (Усць-Каменагорск).

Усяго выраблена 5 тысяч манет: 2000 манет срэбных вартасцю 20 рублёў і 3000 медна-нікелевых вартасцю 1 рубель. 20-рублёвік каштуе 380 тысяч, аднарублёвік – 50 тысяч рублёў

Манеты маюць форму круга, з пярэдняга і адваротнага бакоў – кант, які выступае па акружнасці. На бакавой паверхні манет надпіс: УМАЦАВАННЕ І АБАРОНА ДЗЯРЖАВЫ.

Аверс: уверсе – рэльефны відарыс Дзяржаўнага герба Рэспублікі Беларусь і па крузе надпіс: РЭСПУБЛІКА БЕЛАРУСЬ; у цэнтры – выява пергамента з пячаткай, а таксама булавы як сімвала гетманскай улады, пад ёй – намінал 20 РУБЛЁЎ (на срэбнай) і 1 РУБЕЛЬ (на медна-нікелевай) і год чаканкі; справа на срэбнай манеце – проба сплаву.

Рэверс: у цэнтры – рэльефная выява Канстанціна Астрожскага, справа – герб роду Астрожскіх; па крузе ў два радкі надпісы: КАНСТАНЦІН АСТРОЖСКІ і 1460–1530 (гады яго жыцця).

Читать также
Комментарии

Правила комментирования

Оставить комментарий

Пожалуйста, авторизуйтесь чтобы добавить комментарий.
  Подписаться  
Уведомление о
Scroll Up