Автор: Віктар СЫРЫЦА

10:56, 30 июля 2014

Культура

remove_red_eye 152

ТБМ ладзіць віктарыну, прысвечаную графу Развадоўскаму – заснавальніку горада Баранавічы

Хутка споўніцца 160 гадоў з дня народзінаў графа Яна Развадоўскага, дзякуючы стваральнай працы якога паўсталі нашыя Баранавічы.

Баранавіцкая Рада Таварыства беларускай мовы імя Францыска Скарыны, у межах кампаніі Асамблеі НДА «Зробім лепш», праводзіць першую віктарыну ў гонар заснавальніка горада Баранавічы. Каб праверыць свае веды аб жыцці і дзейнасці роду Развадоўскіх, прапануем прыняць удзел у нашай віктарыне і адказаць на наступныя пытанні:

1. У якім месцы Баранавіч і калі ўсталяваны памятны знак з надпісам: “Развадоўскім – заснавальнікам мястэчка, стаўшага асновай горада Баранавічы”?


РЕКЛАМА

2. Што Вы ведаеце пра радавод Развадоўскіх? Хто лічыцца заснавальнікам беларускага роду Развадоўскіх?

3. З якімі знакамітымі беларускімі магнацкімі і шляхецкімі родамі парадніліся Развадоўскія?

4. Чаму граф Ян Развадоўскі, купіўшы ў 1881 годзе маёнтак Баранавічы ў маскоўкага купца Ягора Кузняцова, пакупку аформіў на сваю жонку Лізавету Развадоўскую?

5. Як называлася адна з галоўных вуліц мястэчка Развадова ў канцы 19 ст.?

6. Дзе пахаваны граф Ян Развадоўскі?

7. Якая прадукцыя цяперашніх баранавіцкіх вытворцаў носіць імя Развадоўскага?

8. Хто з баранавіцкіх артыстаў выконваў ролю графа Яна Развадоўскага падчас святкавання ў 2011 годзе 140-х угодкаў нашага горада?

9. У якім будынку нашага горада цяпер знаходзіцца адзіны партрэт Яна Развадоўскага?

Пераможцаў і актыўных удзельнікаў віктарыны чакаюць прыемныя прызы і ўзнагароды. Адказы просім дасылаць да 14 жніўня 2014 года на мэйл: tatus1863@gmail.com ці па адрасе: 225409, г. Баранавічы, вул. Камсамольская, 28, кв. 65 з подпісам  “віктарына”. Абавязкова пазначайце свае кантакты.

Сырыца Віктар, старшыня Баранавіцкай Рады Таварыства беларускай мовы імя Ф. Скарыны


Партрэт Развадоўскага

Партрэт Развадоўскага

Читать также
Комментарии

Правила комментирования

comments powered by Disqus
Scroll Up