Автор: Арцём ГАРБАЦЭВІЧ Людміла СЦЯЦКО

13:41, 13 июня 2014

Экономика

remove_red_eye 126

Чым замяніць на стале беларуса шкварку

Кошты на свініну кожны тыдзень паднімаюцца ўгару. Ва ўмовах, калі за кілаграм прыходзіцца аддаваць усё больш грошай, беларусы проста сталі есці менш мяса.

– Мы сказалі б, што пакупнікі бяруць часцей за ўсё, калі б хоць штосьці бралі! – з іроніяй кажуць гандляры свінінаю на Чарнышэўскім кірмашы.

Праблемы з рэалізацыяй велізарныя: людзі ці ўвогуле не купляюць свініну, ці робяць гэта рэдка. Як лічаць гандляры, прычына адна  – нерэальныя кошты: пакупнікі не ў стане купляць кілаграм больш чым за 100 тысяч. Аб шалёным росце коштаў на мяса «ІР» ужо пісала раней, і надзея на паляпшэнне сітуацыі па-ранейшаму малая: у Польшчы і Літве бушуе афрыканская чума, і ўвоз свініны з гэтых краін пакуль забаронены.

Раней АЧС нанесла сур’ёзны ўдар па пагалоўі свіней і ў нашай краіне. З красавіка 2013-га па красавік 2014 года пагалоўе свіней знізілася амаль на 20%.

РЕКЛАМА

Каб захаваць мяса ў дзяржаве, Беларусь знізіла экспарт свініны ўтрая. Аднак завозіць больш не стала! Дэфіцыт сыравіны адбіўся на вытворчасці: асноўная частка свініны, згодна са статыстыкай, накіроўвалася на выраб паўфабрыкатаў, каўбас і кансерваў, а вось вытворчасць чыстага мяса скарацілася.

Запасы свініны сталі імкліва змяншацца, а кошты, наадварот, расці. У выніку, калі раней кіло свініны каштавала прыкладна на 20% танней, чым ялавічыны, то цяпер цэны на мяса амаль зраўняліся.

Зараз Беларусь шукае экстранныя выхады з сітуацыі, прэзідэнт нават распарадзіўся тэрмінова павялічыць пагалоўе свіней. Але пакуль адбываецца супрацьлеглае: калі ў 1 квартале мінулага года мы завезлі з-за мяжы 172 племянныя свінні для гадоўлі, то ў гэтым годзе – усяго 6.

Гаспадаркі проста баяцца заводзіць свіней. «Няма гарантыі, што праз паўгода, калі свіней выгадуем і можна будзе прадаваць, не здарыцца паўтарэння гісторыі з чумой. Мы баімся пайсці па свеце», – распавялі рэсурсу «Беларускія навіны» ў адной з гаспадарак краіны.

На КПС «Усходні», дзе ў параўнанні з мінулым годам пагалоўе зменшылася напалову, вырашыць гэту праблему таксама не могуць з-за аварыйнага стану некаторых будынкаў комплекса.

Цяпер Беларусь шукае альтэрнатыўных пастаўшчыкоў свініны. У якасці асноўнага прэтэндэнта Мінсельгасхарч разглядае Канаду, аб гэтым паведаміў намеснік міністра сельскай гаспадаркі Васіль Седзін.

Цікава, што цесных сувязей у пастаўках свініны з гэтай краінай  у нас не было. У 2013 годзе, напрыклад, на долю Канады прыйшлося менш за 1% ад усяго імпарту свініны. Больш за тое, з гэтай краіны мы завезлі ў 63 разы менш мяса, чым ад нашага асноўнага пастаўшчыка — Германіі, якую не закранула АЧС.

Каментарый спецыяліста

Леанід Заіка, кіраўнік рэспубліканскага грамадскага аб’яднання «Аналітычны цэнтр «Стратэгія»:

– Тое, што мяса з Канады не пачалі вазіць яшчэ год таму – вялікая памылка кіраўніцтва рэспублікі.  Дэфіцыт якога-небудзь харчовага тавару пры наяўнасці сусветнага рынку – гэта надуманая праблема: мяса нам могуць прапанаваць столькі, што мы яго ніколі не пераямо. Канадская свініна будзе каштаваць не больш чым 5 долараў за кілаграм. Калі ўжо ў беларусіх крамах будуць пытаць больш, то гэта значыць, што прадаўцы падманваюць насельніцтва.  

Вольга Буевіч, тэхнік-тэхнолаг грамадскага харчавання, намеснік дырэктара Баранавіцкага тэхналагічнага каледжа:

– Каб замяніць свініну, неабходна ўжываць іншае мяса – раслінная соя тут не падыдзе. Справа ў тым, што поўную стужку амінакіслотаў мае толькі жывёльны бялок. Я раіла б людзям, у якіх няма магчымасці купляць свіное мяса, перайсці на рыбу ці кураціну, але час ад часу ўсё ж вяртацца да ялавічыны і свініны.

На колькі падаражэлі мяса, мясныя прадукты і рыба ў красавіку 2014-га ў параўнанні з красавіком 2013 года

свініна (акрамя бескасцёвага мяса)…………………….22%

рыба марожаная (трасковыя, скумбрыевыя)……16%

рыбныя кансервы………………………………………………..12%

ялавічына (акрамя бескасцёвага  мяса)…………….10%

РЕКЛАМА

селядзец салёны…………………………………………………….9%

куры (уключаючы бройлераў)………………………………8%

кілбасныя вырабы і вэнджаніна……………………….7%

мясныя кансервы…………………………………………………..5%

Чым можна замяніць свініну і ў колькі гэта абыдзеццца, падлічылі журналісты «ІР»

Курынае філе…………каля 50 тысяч/кг

Курыца цалкам………каля 60 тысяч

Філе ялавічыны……..каля 90 тысяч/кг

Кальмар…………………..каля 32 тысяч/кг

Мінтай…………………….каля 30 тысяч/кг

Мойва, салака………..каля 20 тысяч/кг

Поделиться:
Читать также
Комментарии

Правила комментирования

comments powered by Disqus
Scroll Up