Автор: Анжэла КАМБАЛАВА

11:19, 20 мая 2014

Народные новости

remove_red_eye 138

Як нас забіваюць нітраты

Чытач «ІР» зрабіла аналіз калодзезнай вады ў мястэчку Русіно.

Беларусь называюць сінявокай. Край блакітных чыстых рэк і азёраў, зялёных лясоў і балот –  лёгкіх планеты. Наш экалагічны дабрабыт наўпрост залежыць ад якасці пітной вады. Чыстая вада – крыніца жыцця, падмурак здароўя кожнага чалавека.


Але як мы клапоцімся пра сваё здароўе? Вёска Русіны не мае паблізу возера. Затое ёсць знакамітая сучасная птушкафабрыка, не малыя па памерах могілкі з 90-х гадоў, чыгуначная станцыя, пасеўныя плошчы. Я вырашыла зрабіць невялічкае даследаванне якасці калодзезнай вады з прыватнага падворка на ўскрайку вёскі, далёка ад птушкафабрыкі. Праведзены філіялам цэнтральнай лабараторыі “Навукова-вытворчага цэнтра па геалогіі” аналіз выявіў небяспеку. У вадзе прысутнічаюць солі кальцыю, магнію, трохі жалеза, а вось нітраты перавышаюць норму ў два разы!

РЕКЛАМА


Зразумець небяспеку без правядзення аналізу нельга: вада не мае непрыемнага паху і смаку. Нітраты зніжаюць насычанасць крыві кіслародам, парушаюць крываток, што прыводзіць да кіслароднага галадання. У маленькіх дзетак гэта выклікае рызыку ўзнікнення мэтгемаглабінеміі. У арганізме чалавека нітраты ператвараюцца ў таксічныя нітрыты, што прыводзіць да анкалогіі. Таксама мы атрымліваем нітраты з садавінай і гароднінай, якую вырошчваем з дапамогай азотных угнаенняў. Мы яшчэ не ведаем, як падвышаны ўзровень нітратаў адаб’ецца на здароўі наступных пакаленняў, але і нам яны не дадаюць гадоў жыцця.


Ужо немагчыма ўявіць сельскую гаспадарку без угнаенняў, але няўжо мы згодны плаціць такую высокую цану? Падумаем, ці ўсё мы зрабілі, каб атрымаць экалагічна-чысты ўраджай на ўласным агародзе? Ёсць некалькі простых парадаў, як захаваць ваду сваёй студні чыстай:

  • Выбіраем месца для калодзежа далей ад дарогі, прамысловых аб’ектаў і г.д;

  • Будуем калодзеж з выкарыстаннем тэхналогіі “гліняны замок”;

  • Адводзім з падворка талую ваду;

  • Накрываем студню ад смецця;

  • Падтрымліваем санітарна-гігіенічныя ўмовы на падворку і каля гаспадарчых пабудоваў;

  • Адмаўляемся ад выкарыстання пестыцыдаў і няякасных угнаенняў;

  • Адмаўляемся ад пасыпання дарогі соллю;

  • Перыядычна робім аналіз вады і чысцім студню.


Гэта мінімальнае, што мы можам зрабіць. Мы карыстаемся мабільнымі тэлефонамі і лічым сябе цывілізаванымі людзьмі, пры гэтым нішчым нашу зямлю. Мы прызвычаіліся да падвышанага ўзроўню радыяцыі, падвышанага ўзроўню нітратаў, мы пасыпаем дарогі соллю, вада ў нашых рэках гарыць, а малако з крамы не закісае. Страшна падумаць – магчыма, надыдзе час, калі мы з лёгкасцю будем есці нафту і нам яна не пашкодзіць.


Нашы продкі пакінулі нам скарб, які немагчыма пераацаніць. Перададзім нашым дзецям планету зялёнай!

РЕКЛАМА

Читать также
Комментарии

Правила комментирования

comments powered by Disqus
Scroll Up