Сірыйскія хакеры ўзламалі акаўнты Skype

Хакеры ўзламалі акаўнты Skype ў сацыяльных сетках і выставілі на іх заклік, накіраваны супраць праграм электроннага віжавання, паведамляе BBC.

Сірыйцы просяць не карыстацца поштай Microsoft — кампаніі, якая валодае Skype.

У паведамленні падкрэсліваецца, што Microsoft перадае ўсе звесткі карыстальнікаў урадавым сакрэтным службам ЗША.

«Не карыстайцеся электроннай поштай Microsoft (Hotmail, Outlook). Яны назіраюць за вашымі акаўнтамі і прадаюць інфармацыю ўрадам«, — гэткае паведамленне выставілі хакеры ў акаўнце кампаніі Skype ў Twitter і ў яе карпаратыўным блогу.

Skype прызнала факт узлому, адзначыўшы, аднак, што асабістыя дадзеныя карыстальнікаў не падвяргаліся рызыцы. 

«Сірыйская электронная армія» — група хакераў, якія падтрымліваюць прэзідэнта Сірыі Башара Асада. Хакеры рэгулярна атакуюць сайты вядучых сусветных выданняў і буйных кампаній.