Новости / Общество

Вясна 2014 года будзе кароткай

5.12.2013, 12:04  / remove_red_eye 390   / chat_bubble0

Працягласць вясновага перыяду ў найбліжэйшыя гады будзе скарачацца. Аб гэтым паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў 4 снежня на прэс-канферэнцыі ў Мінску.

Сёлета вясна ў Беларусі доўжылася крыху больш за месяц. На большай частцы тэрыторыі краіны зіма закончылася 30 сакавіка — 1 красавіка, а ўжо 7-8 мая ўстанавілася летняе надвор’е, што на дзве-тры дэкады раней за кліматычную норму. «Сёлета снег даволі хутка растаў, і як такой вясны мы не заўважылі», — адзначыў Рабаў.

Прагнозы Федэральнай службы Расіі па гідраметэаралогіі і маніторынгу навакольнага асяроддзя сведчаць аб тым, што ў найбліжэйшыя гады вясновы перыяд будзе скарачацца, а неўзабаве класічная вясна наогул знікне.

Гэта абумоўлена змяненнем клімату. Летам у Беларусі ўсё часцей праяўляюцца прыкметы трапічнага клімату: стаіць цёплае і вільготнае надвор’е, вырасла колькасць моцных ліўняў. Акрамя таго, у вясенне-летні перыяд Беларусь усё часцей апынаецца пад уплывам паўднёвых цыклонаў –паведаміла БелаПАН.

Комментарии

Правила комментирования

Подписаться
Уведомление о
0 Комментарий
Ответы по тексту
Посмотреть все комментарии
Scroll Up