Автор: Алесь Гізун

1:00, 25 февраля 2013

Общество

remove_red_eye 141

Вакол Свяцілаўскага возера пілуюць вербы

Пасля суровай падрэзкі вербаў у Паўночным мікрараёне пазнаць гэтыя дрэвы будзе нялёгка нават навукоўцам.

У абсадзе Свяцілаўскага возера прысутнічае некалькі відаў вербаў, у тым ліку і дэкаратыўная срабрыстая вярба. Гэтыя дрэвы даўно заваявалі сабе арэол рамантычнасці: іх любяць садзіць на берагах вадаёмаў і ў парках вакол лаваў ды альтанак. Пасля суровага пострыгу вакол Свяцілаўскага возера складана адрозніць не толькі розныя віды вербаў, але і ўвогуле пазнаць іх сярод іншых абкарнаных дрэваў.

Некаторыя дрэвы пасля абрэзкі выглядаюць зусім дзіўна

Некаторыя дрэвы пасля абрэзкі выглядаюць зусім дзіўна

РЕКЛАМА

У баранавіцкай службе азелянення абрэзку вербаў тлумачаць аварыйным станам гэтых дрэваў. «Мы падразаем вербы, якія знаходзяцца ў аварыйным стане, з паўсухімі галінамі або з гнілой сярэдзінай. Зусім аварыйныя дрэвы, якія ўяўляюць пагрозу для людзей і машын, спілоўваем пад корань», – распавяла «IP» інжынер па добраўпарадкаванні службы азелянення КУШГП ЖКГ «Баранавіцкая ГЖКГ» Наталля Цімошчык.

Па словах інжынера, вербы вакол Свяцілаўскага возера былі пасаджаныя напрыканцы 80-х і сёння ўжо дасягнулі сваёй спеласці. Падобная амаладжальная абрэзка дарослых дрэваў дае ім магчымасць пускаць больш маладых галін і працягваць расці далей. Спецыяліст патлумачыла таксама, чаму некаторыя вербы папілаваныя так сурова, пад высокі пень. Падобная абрэзка, па яе словах, прымяняецца акурат для тых дрэваў, што хутка растуць, у тым ліку і для вербаў.

«Людзі павінны разумець, што мы не пілуем дрэвы бяздумна. Нядаўна я пашкадавала вербы насупраць швейнай фабрыкі: ім толькі падрэзалі галіны, хаця стан тых дрэваў ужо дазваляе прыбраць іх цалкам. Гараджане тэлефануюць нам кожны год: адны скардзяцца, іншыя кажуць  «Дзякуй!», – распавяла Наталля Цімошчык.

Як запэўніла інжынер, ужо напрыканцы лета папілаваныя вербы ў Паўночным мікрараёне займеюць прыгожы, амалоджаны выгляд.

Кардынальна аголеныя дрэвы прыцягваюць да сябе ўвагу гараджан

Кардынальна аголеныя дрэвы прыцягваюць да сябе ўвагу гараджан

Читать также
Комментарии

Правила комментирования

comments powered by Disqus
Scroll Up