Новости / Общество

Дырэктары баранавіцкіх школ аштрафаваны за скарачэнне перапынкаў

11.12.2008, 11:43 / remove_red_eye 116 / chat_bubble0

Парушэнне рэжыму арганізацыі школьных перапынкаў было адзначана санітарнай службай горада ў трох баранавіцкіх школах і адной гімназіі падчас рэйдавай праверкі напрыканцы лістапада.

Штогадовая рэйдавая праверка, скіраваная на праверку працэсу навучання і адпаведнасць яго наяўным санітарным правілам, ахапіла ўсе 22 агульнаадукацыйныя ўстановы горада.

Па словах загадчыка аддзялення гігіены дзяцей і падлеткаў ДУ “Баранавіцкі занальны цэнтр гігіены і эпідэміялогіі” Дзмітрыя Бондара, у СШ № 3, 17, 19, а таксама ў гімназіі № 3 былі выяўлены парушэнні, якія тычыліся працягласці школьных перапынкаў.

“Некаторыя перапынкі паміж заняткамі ў гэтых установах былі не больш за  пяць хвілін, хаця згодна з санітарнымі правіламі паміж урокамі павінна быць не менш за 10 хвілін адпачынку.  Дзеці павінны мець магчымасць схадзіць паміж урокамі ў прыбіральню, падрыхтавацца да новых заняткаў ці паспець пераапрануцца пасля фізкультуры”, – заўважыў спецыяліст.

РЕКЛАМА

Гэтае ж парушэнне было адзначана і падчас правядзення факультатыўных заняткаў са штрых-класамі па суботах.

Разам з тым шмат парушэнняў тычылася няправільнага фармавання школьных раскладаў, калі найскладанейшыя дысцыпліны ставіліся ў  пачатку і напрыканцы навучальнага дня.

“Сёння ідэальнага раскладу няма ў ніводнай школе горада. Цяжка зрабіць так, каб у вялікіх школах з мноствам паралеляў усе складаныя дысцыпліны, як, напрыклад, матэматыка, стаялі толькі ў сярэдзіне раскладу, чаго патрабуюць правілы. Аднак адміністрацыі школ выправяць гэтыя парушэнні ўжо ў наступным семестры”, – распавёў Дзмітрый Бондар.

Па словах спецыяліста, за вышэйзгаданыя парушэнні дырэктары школ будуць прыцягнуты да адміністратыўнай адказнасці.

РЕКЛАМА

Читать также
Комментарии

Правила комментирования

Оставить комментарий

Пожалуйста, авторизуйтесь чтобы добавить комментарий.
  Подписаться  
Уведомление о
Scroll Up